დეკანოზ გიორგი მამალაძის ძმა, თორნიკე მამალაძე აცხადებს, რომ რუსეთს გადაწყვეტილი აქვს, პატრიარქად საკუთარი კანდიდატურა დააყენოს.

თორნიკე მამალაძე პატრიარქს მოუწოდებს, თუკი ეს რეალურად ასე მოხდება, პატრიარქმა ჯერ მისი ძმის წინაშე ჩადენილი დანაშაული შეინანოს და მხოლოდ ამის შემდეგ გადადგეს.

"რუსეთს გადაწყვეტილი აქვს, თავისი კანდიდატურა კიდევ ერთხელ დააყენოს და თავისი ბერკეტები გააძლიეროს, მაგრამ თუ კი ეს ასე მოხდება, მე კათოლიკოს პატრიარქს მოვუწოდებ, რომ მან შეინანოს ის დანაშაული, მაგალითად, ჩემი ძმის მიმართ, რომელიც უკანონოდ გამოკეტა საპატიმროში, შეინანოს და თუ სურთ, რომ გადადგეს, ამის შემდეგ გადადგეს.

ფორმალურ წევრებს მოვუწოდებ, რომლებიც პირად საუბრებში აღიარებენ, რა მძიმე დანაშაულებები ხდება, მოვუწოდებ ამ ადამიანებს ხმა ამოიღონ," - განაცხადა დეკანოზ გიორგი მამალაძის ძმამ თორნიკე მამალაძემ "კურიერთან".

ცნობისთვის, რა თემებს განიხილავს წმინდა სინოდი 11 თებერვლის სხდომაზე - დეტალები უცნობია. თუმცა, ცნობილია, რომ დღის წესრიგში დადგება პატრიარქის ჩანაცვლების საკითხიც.