დღეიდან ოპოზიცია კიევში იწყებს ალტერნატიული, დამოუკიდებელი ხელისუფლების ჩამოყალიბებას, –ამის შესახებ კიევში გამართულ მიტინგზე ოპოზიციის ერთერთმა ლიდერმა ოლეგ ტიაგნიბოკმა განაცხადა:

„6 დეკემბრიდან კიევში ოპოზიცია დამოუკიდებელ ხელისუფლებას ჩამოაყალიბებს – კიევის ადგილობრივ თვითმმართველობას“, – განაცხადა მან.

შეგახსენებთ, რომ კიევში გრძელდება საპროტესტო გამოსვლები და მიტინგები. გავრცელდა ინფორმაცია, რომ რამდენიმე საათის წინ „ბერკუტის“ დისლოკაციის ადგილთან 100–დე ადამიანი მივიდა და შენობის პიკეტირება დაიწყო.

ამასთან, 1 დეკემბერს „ბერკუტთან“ შატაკებისას დაკავებული მოქალაქეების ჯანმრთელობის მდგომარეობა გაურესდა, რის გამოც სასამართლომ მათთვის დამატებითი სამედიცინო გამოკვლევების ჩატარება გადაწყვიტა.

ბოლო 24 საათის განმავლობაში უკრაინის დედაქალაქში სამედიცინო დაწსებულებას 1 დეკემბერს დაზარალებულმა 50–ზე მეტმა მოქალაქემ მიმართა.

შეგახსენებთ, რომ 7 დეკემბერს კიევში ჩასვლას აპირებს საქართველოს პრეზიდენტი (2004–2013წწ) მიხეილ სააკაშვილი, ხოლო კვირას, 8 დეკემბერს, „ევრომაიდანზე“ სახალხო ვეჩე გაიმართება.