რესტორატორთა ასოციაციის ხელმძღვანელი, შოთა ბურჯანაძე ეხმიანება პრემიერის განცხადებას , რომლის მიხედვითაც ორგანიზაციები, რომლებიც კორონავირუსის გავრცელების პრევენციის ფარგლებში ამოქმედებულ წესებს დაარღვევენ, სახელმწიფოს დახმარებას ვეღარ მიიღებენ, და აცხადებს, რომ ეს განცხადება არის არალევანტურია.

მისი თქმით, ეს არის რიტორიკა და სხვა არაფერი - როგორც თავად აღნიშნავს კარგი ანეგდოტია.

"ნონსენსია ეს განცხადება, ჩემთვის არალერევანტურია, რომ შევაფასო ეს განცხადება. პრმიერს უნდა, რომ დათმობა გაგიკეთეთ, მაგრამ ჩვენც კუნთები გვაქვს და შეგვიძლია, რეაქცია გაგიკეთოთ. ეს არის უბრალოდ რიტორიკა, მეტი არაფერი, რეალურად, ვერ ჩაიწერება კანონში, რომ ადამიანი თუ გამოდის აქციაზე, ვერ მიიღებს საბანკო დახმარებას. ასეთი განცხადება რომ გააკეთოს კერძო სტრუქტურამ - თქვენ თუ აქციაზე დადიხართ, სესხს არ მოგცემთო. იყოს, განცხადება განცხადებისთვის დარჩეს... დიდხანს ვიცინოდი და კარგი ანეკდოტია, სხვათა შორის, შეიძლება, გარკვეულწილად, ანეკდოტად გამოდგეს მომავლისთვის, მაგრამ, სამწუხაროდ, საანეკდოტოთ არ გვაქვს საქმე" - განაცხადა შოთა ბურჯანაძემ "რუსთავი 2"-ის ეთერში.