გუშინ ზუგდიდში, თამარ მეფის ქუჩაზე მდებარე დევნილთა დასახლების ორსართულიანი შენობის ჩამონგრევის შედეგად ნანგრევებში მოყოლილი 12 წლის მარიამმის დედა ვიოლა გვაძბაია საზარელი შემთხვევის დეტალებზე საუბრობს.

იგი ამბობს, რომ როდესაც კარი გააღო გზა აღარ იყო, მეორე მხრიდან ჩავიდა და შვილს ძებნა დაუწყო:

„საშინელი ხმა გავიგონე და კარები, რომ გამოვაღე გზა აღარ იყო. მეორე მხრიდან, რომ ჩამოვედი ვყვიროდი და მე თვითონ ვეძებდი ჩემს შვილს ნანგრევებში. ახლა მარიამის მდგომარეობა სტაბილურია, ფეხის პრობლემა აქვს, ესეც არ არის საგანგაშო“, – ამბობს ვიოლა გვაძბაია "ახალ კვირასთან".