მარტვილში, 18 მეეზოვეს 8 ხელმძღვანელი ჰყავს

მარტვილში, 18 მეეზოვეს 8 ხელმძღვანელი ჰყავს - აუდიტის დასკვნა

საზოგადოება - 22:54, 31 Jan, 2021

2193

მარტვილში, 18 მეეზოვეს 8 ხელმძღვანელი ჰყავს - ამის შესახებსახელმწიფო აუდიტის სამსახურის ანგარიშშია ნათქვამი.

აუდიტი 2018-2019 წლების პერიოდის საქმიანობას მოიცავს და ის 29 იანვარს გამოქვეყნდა.

სახელმწიფო აუდიტის სამსახურის მონაცემებით, ა(ა)იპ – მარტვილის კეთილმოწყობის ცენტრში ამ პერიოდში დასაქმებული იყო 73-80 პირი.

"საშტატო ნუსხის მიხედვით, ორგანიზაციაში დასაქმებული იყო 18 მეეზოვე, ხოლო მათზე ზედამხედველობა ევალებოდა 8 თანამშრომელს

საშტატო ნუსხის შესწავლით გამოვლინდა, რომ ორგანიზაციაში დასუფთავების ღონისძიებების მიმართულებით, ხელმძღვანელ პოზიციაზე დასაქმებულია 8 თანამშრომელი, რომლებიც ზედამხედველობას უწევენ 18 მეეზოვის საქმიანობას.33 ა(ა)იპ-მა ვერ წარმოადგინა დასაბუთებული არგუმენტაცია, კონტროლის ჯგუფის ამ რაოდენობით არსებობის აუცილებლობის შესახებ" ნ - ათქვამია აუდიტის ანგარიშში.

დოკუმენტის მიხედვით, ორგანიზაციაში დასაქმებული იყო 6 მეველე, რომლებსაც ევალებოდათ მარტვილის ცენტრის დაცვა მოხეტიალე პირუტყვისაგან, თუმცა ამ პირების მიერ, მათზე დაკისრებული ფუნქციების შესრულება დოკუმენტურად არ დასტურდება.

"შესაბამისად, არსებობს რისკი, რომ ა(ა)იპ-ის საშტატო რიცხოვნობა ხელოვნურად არის გაზრდილი და მათი რაოდენობა არ შეესაბამება რეალურ საჭიროებას" - ვკითხულობთ აუდიტის დასკვნაში.