ივენთმენეჯერი თაკო დოლაბერიძე ამბობს, ტვ პირველის ეთერში აცხადებს, რომ იძულებული გახდა, გუშინ აქციაზე წასულიყო და შეზღუდვები გაეპროტესტებინა, რადგან შეზრუდვების გაგრძელება მისი ბიზნესის სიკვდილს ნიშნავს.

„აქციაზე პირველად ვიყავი. ორგანიზატორების გვარებიც კი არ ვიცოდი. გაბრაზებული და შეურაცხყოფილი ვარ იმის გამო, რაც გუშინ „ფორმულას“ ეთერში ვნახე. აღმოჩნდა, რომ ბატონ კახი კალაძის მეგობრებს შეუძლიათ, ქორწილიც გააკეთონ, დაბადების დღეები გადაიხადონ, რესტორნებიც დაკეტონ და ჩვენ არაფერი არ შეგვიძლია.

მე არც მეჯვარედ შემიძლია, წავიდე. ჩემი დაბადების დღეც არ შემიძლია, რომ გადავიხადო, იმიტომ რომ არ შეიძლება და მათთვის, თურმე ყველაფერი შეიძლება. ასე არ შეიძლება…

არიან რესტორნები რომლებიც მუშაობენ, ოღონდ მთავრობამ ამის შესახებ არ იცის.

ან იცის, რომ მუშაობს და არჩევს, რომ ჩუმად იყოს. მიტინგზე გავიგე, რომ თურმე ვიღაცებს მწვანე აქვთ ანთებული და რას ნიშნავს 21-ე საუკუნეში მწვანეანთებული ყოფნა იმის გამო, რომ კალაძის მეგობარია. და მე რომ არ ვარ კალაძის მეგობარი უნდა დავიჩაგრო?

ძალიან დიდი ბოდიში, მაგრამ კალაძეზე უკეთესი მეგობრები მყავს. რა გამოდის, რომ ამათი დროა და ჩემი დრო არ არის?

მე მინდა მათ ვუთხრა, რომ ჩემი დრო სულ არის და სულ იქნება“, – ამბობს თაკო დოლაბერიძე „ტვ პირველის“ ეთერში.