დაპირისპირება სამართალდამცავებსა და რიონის ადგილობრივებს შორის - "ნამოხვანჰესის" მოწინააღმდეგეებს კარვის დაშლას სთხოვენ.

ადგილობრივები კი აცხადებენ, რომ კარავს არ დაშლიან და მოთხოვნა ავტომობილების სიგნალებით გააპროტესტეს.

მათივე თქმით, აღმოჩნდა, რომ ტერიტორია, სადაც კარავია გაშლილი, არა ახალ, არამედ ძველ კომპანიას ეკუთვნის, რაც თავის მხრივ, კითხვებს ბადებს.

ჰესის მოწინააღმდეგეები საქმეში სახალხო დამცველის ჩართვას ითხოვენ. სამართალდამცველებმა მოწინააღმდეგეებს კარვის დასაცლელად გარკვეული დრო მისცეს - ამ დროისთვის ადგილზე სიმშვიდეა.