სადარბაზო აფეთქებას, თბილისი დიდ ტრაგედიას გადაურჩა

სადარბაზო აფეთქებას, თბილისი დიდ ტრაგედიას გადაურჩა - რა მოხდა თემქაზე

საზოგადოება - 12:18, 20 Jan, 2021

1670

სადარბაზო აფეთქებას გადაურჩა, თბილისი დიდ- ტრაგედიას.ამის შესახებ ინფორმაცია თბილისი ენერჯი ავრცელებს.
„თემქიდან გირეკავთ. 11 –ე მიკროდან. სადარბაზოში საშინელი გაზის სუნია" ამ შინაარსის ზარი შევიდა „თბილისი ენერჯის" ცხელ ხაზზე ( 2404004). ადგილზე მისულ სწრაფი რეაგირების სამსახურის (114) თანამშრომლებს ერთ-ერთ საცხოვრებელ ბინაში ასეთი სურათი დახვდათ- აღმოჩნდა, რომ ფართში გაზის დანადგარები რემონტის გამო მოუხსნიათ, ცენტრალური ონკანი კი არავის გადაუკეტავს. გაზი ღიად დატოვებული მილებიდან ჟონავდა, რომელიც ჯერ ბინაში დაგროვდა და მაღალი კონცეტრაციის შემდეგ სადარბაზოში გაჟონა. სადარბაზო აფეთქებას გადაურჩა. თბილისი ტრაგედიას. რომ არა მეზობლების ყურადღება, რომლებმაც „თბილისი ენერჯის" ცხელ ხაზზე დარეკეს და რომ არა სწრაფი რეაგირების სამსახურის დროული მოქმედება ახლა ჩვენს ქალაქში დიდი ტრაგედია მოხდებოდა ერთი უპასუხისმგებლო ადამიანის ქმედების გამო. დროის ამ მონაკვეთში, რომ შემთხვევით ვინმე შესულიყო ბინაში და შუქი ან ასანთი აენთო მთელი კორპუსი აფეთქდებოდა და ტრაგედია სავარაუდოდ დიდი მსხვერპლითაც დასრულდებოდა. ერთხელ და სამუდამოდ დავიმახსოვროთ – ჩვენს უყურადღებობას ეწირებიან სხვა ადამიანები . არ დატოვოთ გაზის დანადგარები უყურადღებოდ და ყურადღება მიაქციეთ გაზგაყვანილობის გამართულობას – ხშირად თქვენივე უსაფრთხოება თქვენს ხელშია" - ნათქვამია თბილისი ენერჯის განცხადებაში.