ჩრდილოეთ კორეის მთავრობის მეთაური, კიმ ჩენ ინის ბიძა, კორეის სახალხო-დემოკრატიული რესპუბლიკის ეროვნული სამხედრო კომისიის ვიცე-თავმჯდომარე პოსტიდან მოხსნეს. ასეთი ინფორმაცია წარმოუდგინა დაზვერვამ სამხრეთ კორეის პარლამენტს.

სამხრეთ კორეული მედიის ცნობით, ჩან სონ ტეკის ორი თანაშემწე კორუფციაში დაადანაშაულეს და სიკვდილით დასაჯეს.

ჩან სონ ტეკი დაქორწინებულია კიმ ჩენ ირის უმცროს დაზე - კიმ გენ ხიზე. ისინი სერიოზულ გავლენას ახდენდნენ ჩრდილოეთ კორეის პოლიტიკაზე.

ჩან სონ ტეკის  თანამდებობიდან გადაყენება შესაძლოა იმას ნიშნავდეს, რომ კორეის სახალხო-დემოკრატიულ რესპუბლიკაში გავლენის ცენტრი შეიცვალა.