დისკრიმინაციული მიდგომა რელიგიური უმცირესობების მიმართ - კათოლიკური ეკლესია საშობაო წირვას ე.წ. კომენდანტის საათის დაწყებამდე დაასრულებს

საზოგადოება - 11:27, 24 Dec, 2020

895

დაწესებული შეზღუდვები და შერჩევითი უფლებები - მიუხედავად იმისა, რომ ქვეყანაში მართლმადიდებლების გარდა სხვა აღმსარებლობის მოქალაქეებიც გვყავს, ხელისუფლება მხოლოდ ორთოდოქსული სეგმენტის უფლებებს იცავს და საშობაოდ 6 იანვრის ღამეს კომენდანტის საათის მოხსნას აპირებს, რათა მრევლი წირვას დაესწროს. რაც შეეხებათ სხვა აღმსარებლობის წარმომადგენლებს, მათ საკუთარი რელიგიური დღესასწაულის შეზღუდვების ფარგლებში მორგება მოუწევთ, თუმცა მთავრობამ მათთვისაც "დაუშვა გამონაკლისი" და შესთავაზა, რელიგიური წირვის დროს საშვები აიღონ.

კათოლიკური ეკლესია საშვების აღებაზე უარს აცხადებს და საშობაო წირვას ე.წ. კომენდანტის საათამდე დაასრულებს. ეპისკოპოს ჯუზეპე პაზოტოს განცხადებით, მთავრობი დისკრიმინაციული გადაწყვეტილება ირიბი იძლებაა, რათა საეკლესიო მსახურება ეკლესიებში ნებადართულ პერიოდში განხორციელდეს:

"საშვი გაიცემა იმათზე, ვის სახელებსა და პირადობის ნომრებს მიაწვდის ეპისკოპოსი რელიგიის სააგენტოში (რაც უკვე კარგა ხნის გაკეთებული უნდა იყოს). საიდან უნდა იცოდეს ეპისკოპოსმა ვინ აპირებს მოსვლას წირვაზე? მით უმეტეს, რომ შესაძლოა ისეთი ხალხიც იყოს მსურველი, რომლებიც იშვიათად დადიან ტაძარში? წარმოგიდგენიათ, წინამძღვარი როგორ ურეკავს ყველა ოჯახს და ეკითხება, მოდიხარო წირვაზე, პირადობის ნომერი მომეციო...? განა პიროვნებების მონაცემების მიწოდება არაა პირადი თავისუფლების შეზღუდვა?რაც ყველაზე მნიშვნელოვანია, დროის მიუხედავად პირადად ყველას შეუძლია შეხვდეს იესოს, რომელიც იბადება", - განაცხადა ეპისკოპოსმა.