რამდენ ხანს ინარჩუნებს COVID-19 გადატანილი ადამიანის ორგანიზმი იმუნურ მეხსიერებას

COVID-19 - 15:45, 23 Dec, 2020

2165

ავსტრალიელი მეცნიერები აცხადებენ, რომ COVID-19 გადატანილი ადამიანის ორგანიზმის იმუნური მეხსიერება პათოგენის შესახებ ინფორმაციას 8 თვის განმავლობაში "იმახსოვრებს". მათი განცხადებით, ეს არის იმის დამამტკიცებელი მაგალითითი, რომ კორონავაქცინაცია დიდი ხნის განმავლობაშ იმოქმედებს.

ადრე ზოგიერთი მ,კვლევარი აცახდებდა, რომ კორონავირუსის ანტისხეულები 2-3 თვის შემდეგ ქრებოდნენ, რაც ვაქცინაციის ეფექტურობას ეჭვქვეშ აყენებდა.

ჟურნალ Science Immunology-ში გამოქვეყნებულ სტატიაში მეცნიერები აცხადებენ, რომ იმუნური B-უჯრედები ინახავენ ვირუსის შესახებ ინფორმაციას და როდესაც კოვიდვირუსი კვლავ ეცდება ამ ორგანიზმში შეღწევას, ორგანიზმი სწრაფად იწყებს დამცავი ანტისხეულების გამომუშავებას და კლავს მას.

"ეს მნიშვნელოვანი შედეგია, რადგან კვლევა აჩვენებს, რომ COVID-19 გადატანილი პაციენტები მართლაც ინარჩუნებენ იმუნიტეტს დიდი ხნის მანძილზე,: აცხადებენ კვლევის ავტორები.

მათი თქმით სწორედ ეს გამოკვლევა ხსნის იმ ფაქტს, რომ ძალიან ცოტაა ადამიანების რეალურად მეორედ დაავადების შემთხვევები. ასევე, ის იძლევა იმის გარანტიას, რომ ვაქცინაცია დიდი ხნის განმავლობაში რეალურ შედეგს გამოიღებს.