რუსეთის პრეზიდენტი ვლადიმერ პუტინი ნამდვილი საფრთხეა მათთვის, ვისაც თავისუფლება უყვარს, - ამის შესახებ აშშ-ის სახელმწიფო მდივანმა, მაიკ პომპეომ მარკ ლევინის შოუში განაცხადა.

მან რუსეთს ამერიკულ სახელმწიფო უწყებებზე, არასამთავრობო დაწესებულებებსა და კომპანიებზე განხორციელებულ ბოლო მასშტაბურ კობერშეტევაში დასდო ბრალი.

"ვინ არის მტერი - ამ შეკითხვას მუდმივად მისვამენ და პასუხია, რომ ჩვენი ცხოვრების წესისთვის, ჩვენი ქვეყნისთვის და ჩვენი დემოკრატიული პრინციპებისათვის ძირის გამოთხრა ბევრს სურს. რუსეთი უდავოდ ამ სიაშია“, - აღნიშნა პომპეომ.