ბერი გაბრიელ სალოსის ქუჩაზე, საცხოვრებელ ბინაში 1 თვის წინ გარდაცვლილი 66 წლის ალა ჩიბისოვას ცხედარი ექსპერტიზაზე გადაასვენეს.

საგამოძიებო უწყებების წარმომადგენლები ბინაში გვიან ღამემდე მუშაობდნენ; პოლიციის განყოფილებაში დაიკითხა გარდაცვლილის შვილიც - 38 წლის ზურა ბარბაქაძე.

ის ადასტურებს, რომ დედა 15 ნოემბერს გარდაეცვალა, ამ ხნის განმავლობაში კი ცხედარი სახლში ესვენა, რომელსაც დასთან ერთად უვლიდა.

ზურა ბარბაქაძე ამბობს, რომ მიზეზი დასაკრძალი რესურსის არქონაა.

"ბოლო დროს იყო პარალიზებული... გული აწუხებდა, სითხე გროვდებოდა ორგანიზმში... დაბნეული ვიყავი, შიშით ვიყავი. თვითონ არ ეგონა, რომ გარდაიცვლებოდა", - ამბობს გარდაცვლილის შვილი.