ახალ ზელანდიაში სკოლის მასწავლებელმა მოსწავლეს, რომელიც კლასში შეუჩერებლად ლაპარაკობდა და სასწავლო პროცესს ხელს უშლიდა, პირზე წებოვანი ლენტი დააკრა.

7 წლის ბიჭი ერთ-ერთი იყო იმ მოსწავლეთაგან, რომლებმაც უცნაური სახის სასჯელი მიიღეს. ბავშვის დედის თანახმად, იგი აბსოლუტურად შოკირებული და თავზარდაცემული იყო იმ ქმედებით, რაც მასწავლებელმა ჩაიდინა.

სკოლის მასწავლებელს მის მიმართ წამოყენებული ბრალდებისთვის თავი არ აურიდებია, რის შემდეგაც მან გამოქვეყნებულ წერილში განაცხადა, რომ მოსწავლეებს ძალზე მოეწონათ აღნიშნული ტიპის თამაში. სკოლის მოსწავლის დედის თქმით, მას შემდეგ რაც ზემოხსენებული ფაქტი მოხდა , ბიჭს სკოლაში დაბრუნების ძალზე ეშინია, რის ფონზეც უკვე ორი კვირა გავიდა რაც იგი სასწავლებელში არ დადის.