ტერორისტულმა დაჯგუფება ბოკო ჰარამმა ნიგერიაში ასეულობით სკოლის მოსწავლის გატაცებაზე პასუხისმგებლობა აიღო.

„მე აბუბაკარ შეკაუ და ჩვენი ძმები პასუხისმგებელი ვართ კაცინას გატაცებაზე“ - აღნიშნა გავრცელებულ მიმართვაში დაჯგუფების ლიდერმა, რომელიც 2014 წელს ჩიბუკში ასეულობით გოგონას გატაცებაზე იყო პასუხისმგებელი.

უსამა ამინუ აღმოჩნდა ერთ-ერთი ყველაზე იღბლიანი სკოლის მოსწავლე, რომელიც რამდენიმე დღის წინ 300 მოსწავლესთან ერთად გაიტაცეს შეიარაღებულმა პირებმა ჩრდილო-დასავლეთ ნიგერიაში. მან ტერორისტებისგან თავის დაღწევა მოახერხა. დაზარალებულმა მედიასთან საუბრის დროს აღნიშნა, რომ იგი და მისი თანაკლასელები ფიქრობდნენ, რომ თავდაპირველად როდესაც ატყდა ჩოჩქოლი, გამოწვეული იყო იმის გამო, რომ ჯარისკაცები მათ დაცვას ცდილობდნენ, თუმცა გაირკვა, რომ თავდამსხმელები აკ-47-ებით იყვნენ შეიარაღებულნი და შემოიჭრნენ შენობაში, რის შმედეგადაც ყველას მკვლელობით ემუქრებოდნენ ვინც მთავრობის სამეცნიერო სკოლის საერთო საცხოვრებლის დატოვებას გადაწყვეტნენ.

„როდესაც მე გადავწყვიტე გაქცევა, მათ მოიტანეს დანა, რათა დავეჩეხეთ, თუმცა ძალზე სწრაფად გავიქეცი. სწრაფად გადავიარე ერთი კლდე, შემდეგ მეორე და ტყის გავლით გავიქეცი. " - აღნიშნა აზარალებულმა

გავრცელებული ინფორმაციით,მხოლოდ 17 მოსწავლე დაუბრუნდა ოჯახებს, ხოლო 320 ამ დრომდე ბოკო ჰარამის ტყვეობაში რჩება.