რელიგიის ექსპერტთა ასოციაცია იღუმენ მიქაელს ძალადობისკენ წაქეზებაში ადანაშაულებს

საზოგადოება - 10:44, 15 Dec, 2020

1211

რელიგიის ექსპერტთა ასოციაცია საპატრიარქოს საზოგადოებასთან ურთიერთობის სამსახურის თანამშრომელს იღუმენ მიქაელს სიძულვილის ენისა და ძალადობისკენ წაქეზებაში ადანაშაულებს. თეოლოგები მოუწოდებენ საპატრიარქოსა და სახალხო დამცველს, დროული რეაგირება მოახდინონ მამა მიქაელის განცხადებაზე:
"13 დეკემბერს გიორგი დარასელიას საავტორო გადაცემაში იღუმენმა მიქაელმა (ბრეგვაძე) სიძულვილის ენის გამოყენებით ძალადობისკენ წააქეზა მრევლი იმ ადამიანების წინააღმდეგ, რომლებიც საქართველოს საპატრიარქოს ცალკეულ წარმომადგენლებს აკრიტიკებენ. ჩვენ კატეგორიულად ვგმობთ ხსნებული იღუმენის მიზანმიმართულ საქციელს და მოვუწოდებთ საქართველოს საპატრიარქოს, საქართველოს საპატრიარქოს საგარეო საქმეთა განყოფილების ხელმძღვანელს, მიტორპოლიტ გერასიმეს (შარაშენიძე) და სახალხო დამცველს მოახდინონ შესაბამისი რეაგირება.საზოგადოებას შევახსენებთ, რომ იღუმენი მიქაელი წარმოადგენს საქართველოს საპატრიარქოს საგარეო განყოფილებას" - ნათქვაია განცხადებაში. გადაცემაში ჟურნალისტის მიერ დასმულ შეკითხვაზე - ხომ არ აპირებს საპატრიარქო შესაბამისი პასუხი გასცეს ტელევიზიასა და სოციალურ ქსელებში მღვდლებზე აუგად საუბარს, იღუმენმა განაცხადა, რომ "ეკლესია ვერ მოუწოდებს იარაღისაკენ და ბრძოლისაკენ, თუ ვიღაცას წაუცდა ხელი, ეს მისი ბრალი იქნება ვინც ის გააღიზიანა, ეკლესიის ბრალი ნამდილად არ იქნება"