გოგონა, რომელიც 5 დღეში უნდა დაქორწინებულიყო თავის საქმროზე, საქორწილო ცერემონია გააუქმა- მას კოვიდ 19 დაუდასტურდა და მისი მდგომარეობა რამდენიმე დღეში ძალზე დამძიმდა. აღნიშული შემთხვევა მოხდა აშშ-ში.

სტეფანი ლინ სმიტის ქორწილი 13 ნოემბერს უნდა გამართულიყო, თუმცა იგი საქორწილო სამზადისის ნაცვლად საავადმყოფოში აღმოჩნდა. მას და მის საქმროს ეგონათ, რომ მწვავე ჰერპესი განუვითარდა, რადგან ეს მისი თანმდევი დაავადება იყო, თუმცა საავადმყოფოში გამოკვლევებმა დაადასტურა, რომ გოგონა კორონავირუსით და ორმხრივი პნეუმონიით იყო დაავადებული.

სტეფანის მდგოამრეობა მეორე დღეს ძალზე დამძიმდა, რის გამოც აუცილებელი გახდა მისი ჰოსპიტალიზება. გოგონას მოულოდნელად სისხლში ჟანგბადის დონე მკვეთრა შეუმცირდა. მან ქორწილის დღე საავადმყოფოში გაატარა, სადაც კოვიდ 19-ის მძიმე სიმპტომებს ებრძოდა. 18 ნოემბერს სტეფანის საქმროს დაურეკეს და განუცხადეს, რომ მისი საცოლე უკვე გარდაიცვალა. გავრცელებული ინფორმაციით, პაციენტს გული ოთხჯერ გაუჩერდა, ბოლოს მისი პულსი ვეღარ აღადგინეს და დაიღუპა.