"საქართველოს ბანკზე" თავდასხმისთვის ძებნილი ბადრი ესებუას ძმის, ბიძინა ესებუას ადვოკატის იოსებ ჯანაშიას განცხადებით, მისი დაცვის ქვეშ მყოფი ბრალს არ აღიარებს.

მისი თქმით, ბრალი მას ოფიციალურად შესაძლოა, დღის ბოლოს ან ხვალ დილით წარუდგინონ.

“ბიძინა ესებუა ბრალს, რა თქმა უნდა, არ აღიარებს. ბრალი ჯერ წარდგენილი არ აქვს და შესაბამისად, არც სასამართლო პროცესია ჩანიშნული”, - განაცხადა იოსებ ჯანაშიამ.

შეგახსენებთ, რომ ბადრი ესებუა ზუგდიდში „საქართველოს ბანკის“ დაყაჩაღებისთვისაა ძებნილი.

შსს-ს ინფორმაციით, პოლიციამ გუშინ ბადრი ესებუას ძმა ცეცხლსასროლი იარაღის, საბრძოლო მასალის და ასაფეთქებელი მოწყობილობის შეძენა - შენახვა-ტარების ბრალდებით დააკავა.