კიევში მომხდარი შეტაკებების დროს დაშავებულთა რაოდენობამ 165 მიაღწია, აქედან 125 დაშავებულის კლინიკური მკურნალობა გახდა საჭირო. აღსანიშნავია, რომ დაშავებულთა უმრავლესობა, უკრაინის ჯანდაცვის სამინისტროსა და შსს-ს მონაცემებით, სამართალდამცველია - დაშავებულ მილიციელთა რაოდენობამ 100 გადააჭარბა. ამ დრომდე არ დასტურდება ინფორმაცია 29 ნოემბერს მომხდარი დარბევისას დემონსტრანტი გოგონას გარდაცვალების შესახებ.

შეგახსენებთ, რომ ინტერნეტსივრცეში გავრცელდა ქუჩაში წაქცეული ახალგაზრდა გოგონას ფოტო, რომელსაც თავზე „ბერკუტელები“ ადგანან. ინტერნეტმომხმარებლები აღნიშნავდნენ, რომ გოგონა გარდაიცვალა, თუმცა ამ დრომდე არ დასახელებულა მისი ვინაობა. გოგონას გარდაცვალების ფაქტს არც ოფიციალური წყაროები ადასტურებენ.