საფრანგეთში, ქვეყნის სამხრეთ-დასავლეთით, ლანდის დეპარტამენტში, მეფრინველეობის ფერმაში 6000 იხვს ფრინველის გრიპის მეტად აქტიური H5N8 ვირუსი დაუფიქსირდა.

ქვეყნის სოფლის მეურნეობის სამინისტროს ცნობით, ვირუსის H5N8 შტამი ადამიანებს არ გადაეცემა, თუმცა, ევროპაში, ველურ ბუნებაში გადამფრენი ფრინველების მეშვეობით აქტიურად ვრცელდება.

პროფილაქტიკის მიზნით, ლანდის დეპარტამენტის ლაბორატორიის მიერ მიღებული პირველი ტესტის შედეგების გათვალისწინებით, ყველა იხვს დახოცავენ.