გერმანიის კანცლერის, ანგელა მერკელის თქმით, კორონავირუსის გამო დაწესებული შეზღუდვები ვირუსის სამართავად და სიტუაციის გასაკონტროლებლად საკმარისი არ არის. მისი თქმით, მძიმე ზამთრის გადასალახავად უფრო მკაცრი ღონისძიებების მიღებაა საჭირო.

„სიტუაცია სერიოზულია. ქვეყანაში არსებული ზომები საკმარისი არ იქნება იმისათვის, რათა ზამთარი იქნეს გადალახული“- განაცხადა მერკელმა.

შეგახსენებთ, რომ გერმანიაში ნოემბრის დასაწყიდიან მოქმედებს მსუბუქი შეზღუდვები. დაიხურა რესტორნები, ბარები, თეატრები, აგრეთვე ფიტნეს-კლუბები, საცურაო აუზები, კინოთეატრები და საკონცერტო დარბაზები. მიუხედავად აღნიშნული დაწესებული შეზღუდვებისა სკოლები და მაღაზიები მაინც განაგრძობენ მუშაობას. დაწესებული იზოლაცია 10 იანვრამდე მოქმედებს.