ბრაზილიელმა დედამ ველოსიპედზე მჯდომ მძარცველს, რომელმაც თავის 15 წლის ქალიშვილს ტელეფონი მის თვალწინ წაართვა, ქოლგა ესროლა და შემთხვევის ადგილზე გააჩერა. აღნიშნული შემთხვევა ქალაქ სან პაულუში მომხდა, ინციდენტი კი ქუჩაში დამონტაჟებულმა სათვალთვალო კამერამ დააფიქსირა.

კადრებში ასახულია თუ როგორ გარბის მძარცველი, თუმცა 50 წლის ქალი ეწევა მას, უმიზნებს პირად ქოლგას და ესვრის მას, რომელიც წონასწორობას კარგავს და მიწაზე გზაზე ეცემა. მას შემდეგ, რაც თავდამსხმელი დაეცა, გარშემომყოფმა თვითმხილველებმაც მიიღეს მონაწილეობა მძარცველის ცემაში, რომელსაც საბოლოოდ გამოსტაცეს გოგონას ტელეფონი. ზემოხსენებული ფაქტის ამსახველ ვიდეოსა და ისტორიას საკუთარ გვერდზე აქვეყნებს ბრიტანული მედია, DAILYMAIL-ი.