ბრიტანეთში მამაკაცმა ლატარიაში სწორედ ის ციფრები შეავსო, რომლითაც ჯეკპოტი გათამაშდა, თუმცა მან ფულის მიღება ვერ მოახერხა, რადგან მისმა შეყვარებულმა ციფრები შეცვალა. ამის შესახებ ბრიტანული მედია THE SUN-ი წერს.

გამოცემის თანახმად, 32 წლის ჯეიკობ საიმონი 1 წლის მანძილზე ლატარეაში ერთსა და იმავე კომბინაციის ციფრებს ავსებდა იმ იმედით რომ ერთხელაც გაუმართლებდა. მრავალგზის მცდელობისა და იმედგაცრუების შემდეგ კი მისმა შეყვარებულმა ბილეთზე შევსებული რიცხვები დაუკითხავად უკანასკნელ მომენტში შეცვალა. აღნიშნულის შედეგად, წყვილმა 1 071 420 მილიონი ფუნტ სტერლინგი დაკარგა.

ჯეიკობის თქმით, იგი არ უყურებდა გათამაშებას მაშინ როდესაც შედეგები გამოცხადდა, რომლის შესახებაც მას შეყვარებულმა უამბო და უთხრა რომ მისი მოკვლა მოუნდებოდა იმის გამო რაც ჩაიდინა: „ ჩვენი ციფრები დაჯდა, თუმცა მე ისინი ბოლო მომენტში შევცვალე“ .

„ვიფიქრე, რომ თავიდან ხუმრობდა. მაინც მიხარია რომ საქმე არ ეხება მულტი მილიონებს, რადგან ეს ძალზე დამთრგუნველი იქნებოდა“ - აღნიშნა ჯეიკობმა. მისი თქმით, მომხდარის გამო იგი თავიდან ეჩხუბა კიდეც შეყვარებულს.