ირანის რევოლუციის გუშაგთა კორპუსის ხელძღვანელის მოადგილის განცხადებით, ბირთვული პროგრამის მეთაურისა და ბრიგადის გენერლის, მოჰსენ ფახრიზადეს მკვლელობისთვის გამოყენებული იქნა სატელიტიდან კონტროლირებადი ტყვიამფრქვევი.

ირანელი მეცნიერი ქვეყნის დედაქალაქში, 27 ნოემბერს ავტომაგისტრალზე გადაადგილდებოდა რამდენიმე დაცვის წევრთან ერთად, სწორედ ამ დროს კი მისი მიმართულებით გასროლილი იქნა 13-მდე ტყვია. ირანული მედიის თქმით, სატელიტური დამიზნების მოწყობილობით, მიზანში სრული სიზუსტით ამოიღეს მეცნიერი.

რევოლუციის გუშაგთა კორპუსში აცხადებენ, რომ სატელიტიდან მართული ტყვიამფრქვევი ნისანის პიკაპის ტიპის ავტომობილზე იყო დამონტაჟებული და ცეცხლი დამიზნებით იქნა გახსნილი ფახრიზადეს სახის მიმართულებით. „იარაღი ონლაინ რეჟიმში სატელიტით კონტროლდებოდა და გამოიყენებოდა მოწინავე ტექნოლოგიების მქონე კამერები და ხელოვნური ინტელექტი“- განაცხადეს ირანის თავდაცვის უწყებაში.

ალი ფადავიმ განაცხადა, რომ ფახრიზადეს თავიდან 4 ტყვია ამოიღეს. მისი თქმით, მაშნ როდესაც ზემოხსენებული ინციდენტი მოხდა, შემთხვევის ადგილზე ტერორისტები არ იმყოფებოდნენ.