ცნობილი ბიზნესმენი, „ლუტეცია ჯგუფის“ დამფუძნებელი ვახტანგ ფხაკაძე კორონავირუსით გარდაიცვალა.

ბიზნესმენის გარდაცვალებას ცნობილი სახეები ეხმაურებიან:

„კეთილშობილი უსაყვარელსი უძლიერესი ვახტანგ ფხაკაძე შეიწირა კოვიდმა ….როგორ დამწყდა გული …. ნათელში იყოს.“, – წერს მსახიობი და ტელეწამყვანი ია ფარულავა.

ფხაკაძის გარდაცვალებას ეხმაურება ბოდბელი ეპისკოპოსი იაკობიც:

„ღრმა მწუხარებას გამოვთქვამთ ერთ-ერთი წარმატებული ქართველი ბიზნესმენის, საქართველოში „ლუტეცია ჯგუფის“ დამფუძნებელისა და პრეზიდენტის, ღირსეული პიროვნების, ერთგული მეგობრისა და ყველა გაჭირვებული ადამიანის გვერდით მდგომის, სიკეთით სავსე ადამიანის, ვახტანგ ფხაკაძის გარდაცვალების გამო. ვახტანგი იყო მეუფე იაკობის კურსელი და დიდი ხნის მეგობარი. ვუთანაგრძნობთ ვახტანგის ოჯახს, ახლობლებს, მეგობრებს. ღმერთმა გაანათლოს მისი სული და დაუმკვიდროს ცათა სასუფეველი“, – ნათქვამია სამძიმრის წერილში.