თენგიზ ცერცვაძე აცხადებს, რომ გრიპის სიმპტომების გამოვლენის შემთხვევაში უნდა ჩავთვალოთ, რომ საქმე კორონავირუსთან გვაქვს.

“თუ ტესტირების საშუალება არ გაქვს და გაქვს სიმპტომები, რომელიც საერთოა გრიპისთვის და კოვიდისთვის, უნდა ჩათვალო, რომ გაქვს კოვიდი, რამეთუ ასე იქნები უსაფრთხოდ და რომ ჩათვალო გაქვს გრიპი, შეიძლება ვერ იყო უსაფრთხოდ.

ჟანგბადის აპარატების შეძენას მოსახლეობას არ ვურჩევდი, ესეც თვითმკურნალობაა. თვითმკურნალობას კატეგორიულად არ ვურჩევდი – სისხლის გამათხელებლებს, ან ანტიბიოტიკებს, ან სხვა საშუალებებს. თუ მას აქვს საშუალება შეიძინოს ჟანგბადის აპარატი, რა არის ცუდი ამაში, შეიძინონ, მაგრამ არ უნდა იყვნენ ამ ჟანგბადის აპარატის იმედად, თუ განუვითარდათ სუნთქვის გაძნელება, იმიტომ, რომ მათ აპარატი აქვთ, არ უნდა იყვნენ აპარატის იმედად და მათ მაშინვე უნდა მიმართონ კლინიკას.

35-ზე ნაკლები ტემპერატურა კოვიდინფიცირების დროს, უფრო ხშირად ეს არ არის საშიში, ეს დროებითი მოვლენაა, ეს შემთხვევითი მოვლენაა, ერთი საათის შემდეგ რომ გაიზომოს, ნორმალური ექნება და ვურჩევ ასე ქნას. თუ მას მყარად აქვს ასეთი დაბალი ტემპერატურა, ეს შეიძლება იყოს სეფსის სეპთიური გართულების ნიშანი, მაშინ ეს საშიშია,”-განაცხადა თენგიზ ცერცვაძემ “რუსთავი 2”-ის ეთერში.