დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ, მოქალაქეების უკმაყოფილებასთან დაკავშირებით, რომელის თანახმადაც ექიმები ტელეფონს არ პასუხობენ, განაცხადა, რომ შეიძლება, გადატვირთულობის გამო პირველივე ზარზე არ უპასუხოს, მაგრამ ექიმი აუცილებად უპასუხებს. მისი თქმით, არ შეიძლება, რომ ოჯახის ექიმმა პაციენტების ზარებს არ უპასუხოს.

გამყრელიძემ განმარტა, რომ თუ პირმა არ იცის ოჯახის ექიმის ტელეფონის ნომერი, მაშინ არსებობს ვებ-გვერდი, სადაც პირადი ნომრით შესაძლებელია მოძებნოს კლინიკა, სადაც რეგისტრირებულია.

"მე არ მგონია, რომ დღეს ექიმმა ტელეფონი არ აიღოს. მე თითქმის, ყველა ზარს ვპასუხობ. თუ არ ვპასუხობ, „სმს“-ს აუცილებლად ვუგზავნი, რომ მომწერეთ, გადმოგირეკავთ. დღეს, ქვეყანაში, ამ ძალიან რთულ პერიოდში ექიმები, ჩემი კოლეგები ყველაზე დასაფასებელი ადამიანები არიან. დღეს 8000-ზე მეტი სამედიცინო პერსონალია დაინფიცირებული. დაგვეღუპა რამდენიმე კოლეგა.

არ შეიძლება, რომ ექიმმა არ უპასუხოს. თუ პირმა არ იცის ოჯახის ექიმის ტელეფონის ნომერი, მაშინ არსებობს ვებ-გვერდი, სადაც შედიხარ და პირადი ნომრით შეგიძლია მოძებნო კლინიკა, სადაც ხარ რეგისტრირებული. თუ არცერთი არ პასუხობს, მაშინ არსებობს 112-ი; 1505 ცხელი ხაზი; 116001 , სადაც სპეციფიური კითხვები შემოდის, 144 - რომელთა საშუალებითაც ოჯახის ექიმთან კავშირია. მესმის, რომ გადატვირთულობის გამო პირველივე ზარზე არ უპასუხოს, მაგრამ დარწმუნებული ვარ, რომ ექიმი აუცილებად უპასუხებს“,- განაცხადა გამყრელიძემ გადაცემა "360 გრადუსში".