დედას მისწერა, რომ ყურადღებას არ აქცევდნენ - კორონავირუსის კიდევ ერთი ახალგაზრდა მსხვერპლი, რომლის ოჯახიც მომხდარში ექიმებს ადანაშაულებს

COVID-19 - 09:54, 03 Dec, 2020

4848

კიდევ ერთი ახალგაზრდა მსხვერპლი, რომელიც კორონავირუსით იყო დაინფიცირებული და რომელიც ექიმების ყურადღების მიღმა დარჩა - 24 წლის ნინო გულიკაშვილი მცხეთის საავადმყოფოში დაბალი ტემპერატურით მოათავსეს, თუმცა ოჯახი აცხადებს, რომ გოგონას კოვიდინფექცია არ ჰქონია და სწორედ კლინიკაში დაინფიციდრა, რადგან თავდაპირველად ტესტმა უარყოფითი პასუხი აჩვენა, სამი დღის მერე კი ინფექცია დაუდასტურდა.
კლინიკამ გარდაცვალების მიზეზად თანმდევი დაავადება - დიაბეტი დაასახელა, ოჯახი კი აცხადებს, რომ გარდაცვლილს დიაბეტი არასდროს ჰქონია და სიკვდილის მიზეზი ექიმების უურადღებობაა:
"მესამედ, რომ გაუკეთეს ტესტი მერე გვითხრეს, რომ ნინო კორონავირუსით იყო დაინფიცირებული. დაგვირეკეს, რომ ფილტვები გაეთიშა გარდაიცვალა, გარდაცვალების მიზეზად გვითხრეს, რომ ჰქონდა შაქარი, რაც წლების განმავლობაში არ აწუხებდა, სიმპტომი არ ჰქონია. დედას მისწერა, რომ ყურადღებას არ აქცევდნენ, წყალი უნდოდა, საღამოს საათები იყო და ექიმებს ეუბნებოდა წყალი მაინც შემომიტანეთო და არც ერთი ექიმი არ შედიოდა. სამართლიანობას მოვითხოვთ და რა თქმა უნდა ამას ასე არ დავტოვებთ. 24 წლის გოგო წამებით მოკლეს, არ მომკვდარა ნინო მოკლეს." - განაცხადა გარდაცვლილი გოგოს ბიძაშვილმა მარიამ გულიკაშვილმა.
თავის მხრივ, კლინიკის ხელმძღვანელი ლიკა მუმლაძე აცხადებს, რომ ოჯახმა დიაბეტის შესახებ არ იცოდა, თუმცა კლინიკაში მას დაავადება აღმოაჩნდა. კლინიკა მზადაა კიდევ ერთხელ გაესაუბროს ოჯახს:

"მას არ ჰქონდა დადასტურებული შაქრიანი დაიბეტი, მათ არ იცოდნენ, ჩვენ აღმოვაჩინეთ, რომ გოგონას ჰქონდა შაქრის ციფრები მაღალი. მე არ მსურს, მისი ახლობლების არაკომპეტენტურ კომენტარებზე გავაკეთო შესაბამისი კომენტარი. ამ დაავადებას ახასიათებს მძიმე გართულებები. მე არ შემიძლია ვილაპარაკო ჩემი კლინიკის ბრალეულობაზე. ოჯახის წევრებს შეუძლია მოვიდნენ, ჩვენ კიდევ ერთხელ გავესაუბრებით, ავუხსნით. მას ერთხელ აქვს PCR ტესტირება ჩატარებული და დადგინდა კორონავირუსის ინფექცია," - განაცხადა ლიკა მუმლაძემ.