ინფექციური საავადმყოფოს ხელმძღვანელი თენგიზ ცერცვაძე აცხადებს, რომ საქართველოში ინფიცირებულების ზრდასა და პიკს ელოდა, თუმცა ასეთი მაღალი დოზით არა.

"მოველოდით ზრდას, ეს გარდაუვალი იყო, ერთი პიკი მაინც ყველა ქვეყანას უნდა ჰქონოდა, მაგრამ თუ ეს პიკი ასეთი მაღალი იქნებოდა ამას ბოლომდე არ მოველოდით. ეს განაპირობა იმან, რომ ჩვენმა მოსახლეობამ, რომელიც დასაწყისში იჩენდა სამოქალაქო პასუხისმგებლობას და ასრულებდა ყველანაირ რეგულაციებს, ნაადრევად ირწმუნა, რომ კოვიდმა არა დროებით, არამედ სამუდამოდ ჩაგვიარა გვერდი და სამწუხაროდ, მინიმალურადაც არ სრულდებოდა ის რეგულაციები რომელიც კრიტიკულია რაოდენობის ზრდის შემცირებისათვის", - განაცხადა თენგიზ ცერცვაძემ პალინტრანიუსის ეთერში.