კოვიდ 19-ით გადრდაცვლილი 19 წლის თეკლა თორდიას მამა "მთავართან" საუბარში ამბობს, რომ მშობლები გოგონას კლინიკაში გადაყვანას, რამდენიმე დღის განმავლობაში უშედეგოდ ელოდებოდნენ.

"უყურადღებობა იყო და დაგვიანება, ხუთი დღის განმავლობაში უშედეგოდ ველოდებოდით ბავშვის გადაყვანას კლინიკაში, ზოგი იძახის, რომ ჩვენ დაგვაგვიანდა, ეს ასე არ არის... კოვიდსასტუმროში რა უნდოდა, როცა ასეთი მძიმე მდგომარეობა იყო? თვითონ თეკლაც ელაპარაკა ოჯახის ექიმს და პასუხი ასეთი იყო, რომ ახლა გიორგობაა, ვისვენებთ და მოგვიანებით დაგცვიკავშირდიო", - ამბობს თეკლა თორდიას მამა.

შეგახსენებთ, 19 წლის თეკლა თორდია გერმანულ ჰოსპიტალში, 30 ნოემბერს გარდაიცვალა. ექიმის თქმით, პაციენტის მდგომარეობა კლინიკაში შეყვანის დროს უკვე კრიტიკულად მძიმე იყო.