ახალქალაქის, კუმურდოსა და კარის მიტროპოლიტ ნიკოლოზს, რომელსაც დღეს "ნანატრი" დაპირებული Iphone 12 Pro აჩუქეს ერთ-ერთი მაღაზია უფასოდ ტელეფონის ქეისებს სთავაზობს. აღნიშნული ინფორმაცია მაღაზიამ Facebook-ზე გაავრცელა.

"მოგეხსენებათ დღეს მეუფე ნიკოლოზმა საჩუქრად მიიღო Iphone 12 პრო. შესაბამისად, მას დასჭირდება ახალი ქეისი იმისათვის, რომ ახალი ტელეფონი არ დაუზიანდეს. ტრენდული სახლი გამოთქვამს სურვილს, რომ ჩვენ უზრუნველვყოთ მისი iphone 12 მრავალფეროვანი ქეისებით", - აცხადებენ მაღაზიაში.

ტექნიკის მაღაზია მეუფე ნიკოლოზს აიფონის ბოლო მოდელს, Iphone 12 pro-ს , ოქტომბერში დაჰპირდა.

მეუფე ნიკოლოზმა განაცხადა, რომ ძველ ტელეფონსაც იტოვებს და ახალსაც. მისი თქმით. ის აპირებს, რომ ტელეფონით ფილმი გადაიღოს.