ტაილანდელი მეთევზე, 60 წლის ნარიტ სუვანსანგი რამდენიმე დღის წინ ტაილანდის ყურეში, ზღვის სანაპიროებთან სეირნობდა, როდესაც უჩვეულო ქვის ე.წ ნატეხს წააწყდა. მისი თქმით, ეს იყო, ყვითელი ფერის ქვის მსგავსი მასალა, რომელიც უჩვეულო პატარა ნაწილაკებისგანაც შედგებოდა. მას აღნიშნული რამ არასდროს ჰქონდა ნანახი. იმიგ გამო, რომ აღნიშული მასალა 100 კგ-ს იწონიდა, მარტომ ვერ მოახერხა წაღება, რის გამოც სახლში დაბრუნდა და ოჯახის წევრები მოიყვანა, რათა უჩვეულო "არტეფაქტი" ნაცრისფერ-მწვანე წყლიდან ამოეღოთ.

მას შემდეგ, როდესაც დაიწყეს გუგლში ძიება იმის შესახებ თუ რა შეიძლებოდა იგი ყოფილიყო, დაკვირვებისა და ინფორმაციის მოძების შემდეგ დაადგინეს, რომ დიდი ქანები, რომლებიც აღნიშნულ ნივთიერებას ჰქონდა, იიყო ამბრები- იშვიათი სეკრეცია, რომელსაც პირღებინებისას გამოყოფს ვეშაპი- ის კი უმნიშვნელოვანეს და ძალზე ძვირიან ინგრედიენტს წარმოადგენს ისეთი სუნამოების წარმოებაში, როგორიცაა შანელის NO 5. ამბრა უზრუნველყოფს, რომ სუნამოს მდგრადი სურნელი დიდხანს უნარჩუნდებოდეს.

სუვანსანგმა ზემოხსენებული ნივთიერების ზედაპირს ცეცხლი წაუკიდა, რომელსაც დადნობის შემდეგ ჰქონდა მუშკის სუნი, რის საფუძველზეც დაადასტურეს რომ მართლაც ვეშაპის ღებინებისგან წარმოქმნილი გადაუმუშავებელი ნივთიერება იყო ის, რასაც მან მიაგნო.

მეთევზე მიხვდა, რომ ზემოხსენებული აღმოჩენით იგი მილიონერი ხდებოდა- მისი თქმით, ერთ-ერთი ბიზნესმენი დაუკავშირდა და ამბრის თითო კილოგრამში 23 740 ფუნტ სტერლინგი შესთავაზა. გავრცელებული ინფორმაციით, მყიდველი მასთან აპირებს ტაილანდში ჩასვლას, რომელიც ნივთიერების შემოწმების შემდეგ გადაიხდის მთლიან საფასურს.