მოლდოვის ახლარჩეული პრეზიდენტი, მაია სანდუ დნესტრისპირეთიდან რუსული სამხედროების გასვლასა და მათი ეუთოს სამშვიდობო მისიით ჩანაცვლებას ითხოვს.

„დნესტრისპირეთში რუსეთის ჯარების ოპერატიული სამხედრო დანაყოფია. ამასთან დაკავშირებით მოლდოვასთან შეთანხმება კი არასოდეს გაფორმებულა. ჩვენი სახელმწიფოს პოზიცია არის რომ ეს ჯარები უნდა გავიდნენ. აღნიშნულ საკითხს რუსეთის მთავრობის ხელმძღვანელობასთან განვიხილავ“ - აღნიშნა მაია სანდუმ.

მისი აზრით, რუსი სამშვიდობო-სამხედრო ძალები ეუთოს მშვიდობისმყოფელთა ჯგუფმა სამოქალაქო სადამკვირვებლო მისიის ფარგლებში უნდა შეცვალოს.

„შეიარაღებული დაპირისპირებებს უკვე ადგილი არ აქვს, მოლდოვის პოზიცია კი გახლავთ ის, რომ ეს სამშვიდობო ოპერაცია ეუთოს ეგიდის ფარლებში სამოქალაქო მისიამ უნდა შეცვალოს“ - განაცხადა სანდუმ.