ორშაბათს ირანის ინგლისურენოვანმა პრესამ განაცხადა, რომ ის იარაღი, რომლითაც მოკლული იქნა ირანის ბირთვული პროგრამის ხელმძღვანელი , დამზადებულია ისრაელში.

„ ტერორისტული თავდასხმის ადგილიდან შეგროვებულ იარაღის ფრაგმენტებზე ისრაელის სამხედრო ინდუსტრიიც ლოგოსა და ტექნიკური მახასიათებლებია აღნიშნული“ - განუცხადა ერთ-ერთმა სამთავრობო წყარომ ირანულ მედიას.

ამავდროულად, ისრაელის დაზვერვის მინისტრმა, ელი კოჰენმა რადიო სადგურ Fm 103-თან ინტერვიუს დროს განაცხადა, რომ არ იცის თუ ვინ შეიძლება იდგეს ამ მკვლელობის უკან.

ირანის სასულიერო და სახელისუფლებო ლიდერები ზემოხსენებულ მკვლელობაში ბრალს დებენ ისრაელს და ბრალს დებენ მის მთავრობას რეგიონში ახალი კონფრონტაციის საფრთხის შექმნაში.

ირანის რევოლუციის გუშაგთა კორპუსში აცხადებენ, რომ იგეგმება სასტიკი შურისძიება ყველა აქტორის მიმართ, რომლებიც ჩართულნი იყვნენ ფახრიზადეს მკვლელობაში.

შეგახსენებთ, რომ მოჰსენ ფახრიზადე 27 ნოემბერს თეირანთან მოკლეს- მის მანქანას გზატკეცილზე რამდენიმე შეიარაღებული პირი ჩაუსაფრდა და დაცხრილა.