ჯანდაცვის მინისტრი ეკატერინე ტიკარაძე აცხადებს, რომ საწოლფონდის დამატება ჰოსპიტალურ სექტორში 85%-იანი გადატვირთვის შემდეგ იწყება.

მისი ტქმით, საქართველო უკვე იმყოფება 85%-იან ნინშულზე, ამიტომ ტიკარაძის თქმით საწოლფონდს 1 000 საწოლი დაამატეს.

"საკმარისი საწოლების რაოდენობა ზოგადად არ არსებობს ესეთი მცნება. ყველა საწოლი, რომელიც იქნება გამოყოფილი აუცილებლად იქნება დატვირთული და ეს არ არის მხოლოდ საქართველოს მაგალითი. ზოგადად, მსოფლიოში საწოლბრუნვა, ძირითადად, არის დეფიციტური. აქედან გამომდინარე ყველა ქვეყანა, როგორც საქართველო განსაზღვრავს ამ დეფიციტის პროცენტს, ან იმ ნიშნულს რომლის შემდეგაც საწოლფონდის დამატება იწყება და ეს არის ჰოსპიტალურ სექტორში 85%-იანი გადატვირთა. ანუ, ამის შემდეგ იწყება ქმედება, რომ დავამატოთ საწოლფონდი. სხვა შემთხვევაში ამას ჰქვია არაცაიონალურად გამოყენება ყველა იმ რესურსის, რომელიც სახელმწიფოებს გააჩნიათ და ზოგადად არცერთ ქვეყანას არ აქვს მიზანი ის, რომ გამოიყენოს საწოლფონდების მაქსიმალური რაოდენობა. სწორედ ამიტომ, მნიშვნელოვანია პრევენციული ღონისძიებები ჩატარდეს, დაწესდეს შეზღუდვები იმისათვის, რომ მოხდეს როგორც საწოლფონდის განტვირთვა, ისე პრევენციულად ინფექციის გავრცელება. ახლა ვართ 85%-ზე და ჩვენ დავამატეთ საწოლები. წინა კვირაში გვქონდა 6 000 საწოლი და ორშაბათიდან გვაქვს - 7 100. მოხდა 1 000 საწოლის დამატება", - აღნიშნა ტიკარაძემ.