ამერიკის ახლად არჩეულმა პრეზიდენტმა, ჯო ბაიდენმა თავის ერთ-ერთ ძაღლთან თამაშის დროს ფეხი მოიტეხა, თუმცა ექიმების დაკვირვების შედეგად გამოვლინდა, რომ ძლიერი მოტეხილობის ფაქტი არ ფიქსირდება. კომპიუტერული ტომოგრაფიის შედეგად გამოვლინდა, რომ ჯო ბაიდენს გვერდით და შუალედურ სამწახნაგოვან ძვლებზე აღენიშნება მოტეხილობა.

ექიმის თქმით, ჯო ბაიდენს რამდენიმე კვირის განმავლობაში სპეციალური ფეხსაცმლით მოუწევს სიარული. ჟურნალისტების ინფორმაციით, ბაიდენმა იმ ძაღლთან თმაშის დროს მოიტეხა ფეხი, რომელიც 2018 წელს უპატრონო თავშესაფარიდან აიყვანეს.

შეგახსენებთ, რომ 78 წლის ბაიდენი ამერიკის ისტორიაში ყველაზე ხანდაზმული პრეზიდენტი იქნება, რომლის ინაუგურაციაც 2021 წლის იანვარში გაიმართება.