მსოფლიო ჯანდაცვის ორგანიზაციის განცხადებით, "იმისთვის, რომ კორონავირუსის საწინააღმდეგო ვაქცინამ ინფიცირების მაჩვენებელზე დადებითად იმოქმედოს, მსოფლიოს მოსახლეობის დაახლოებით 60-70 % უნდა აიცრას", - ამის შესახებ მსოფლიო ჯანდაცვის ორგანიზაციის დეპარტამენტის ხელმძღვანელმა , კატრინ ობრაენმა , ჟენევაში გამართულ პრესკომფერეციაზე განაცხადა.

მისივე განმარტებით, ეს მონაცემი რამდენიმე მოდელირებულ კვლევას ემყარება.

ცნობისთვის, ბოლო დღეების განმავლობაში, კორონავირუსის საწინააღმდეგო სამ პოტენციურ ვაქცინაზე მიმდინარე კლინიკური ცდების დამაიმედებელი შედეგები გამოქვეყნდა. AstraZeneca-ს, Moderna-სა და Pfizer / BioNTech-ის მიერ შექმნილმა ვაქცინებმა მაღალი ეფექტურობა აჩვენეს.