ირანის ბირთვული იარაღის პროგრამის ხელმძღვანელი თეირანთან ახლოს იქნა მოკლული- ამის შესახებ ინფორმაციას ავრცელებს ირანული სახელმწიფო მედია. პროფესორ მოჰსენ ფახრიზადე დასავლურ მედიასა და დიპლომატიურ წრეებში მოიხსენიებდნენ, როგორც „ირანის ბირთვული ბომბის მამას“ .

ფახრიზადე აგრეთვე ირანის რევოლუციის გუშაგთა კორპუსის ერთ-ერთი წამყვანი ოფიცერი იყო, რომელიც ქვეყნის ბირთვულ პროგრამასც ხელმძღვანელობდა. გარდა ამისა, იგი აგრეთვე იყო ფიზიკის პროფესორი იმამ ჰუსეინის უნივერსიტეტში თეირანში და ფიზიკის კვლევითი ცენტრის ხელმძღვანელი.

გავრცელებული ინფორმაციით, ფიზიკოსი მძიმედ დაშავდა მკვლელობის მცდელობისას, რომლის შემდეგაც იგი მოგვიანებით გარდაიცვალა საავადმყოფოში. როგორც ადგილობრივი მედია იტყობინება, იგი ჩაცხრილეს მანქანაში- აღნიშული ფაქტის ამსახველი ფოტოები კი უკვე ვრცელდება სოციალურ ქსელებში.