ბელარუსის ოპოზიციის ლიდერი, სვეტლანა ტიხანოვსკაიამ ადგილობრივ ტელევიზიასთან, ბელსატთან ინტერვიუში განაცხადა, რომ იგი ამერიკის ახლად არჩეულ პრეზიდენტს, დემოკრატების წარმომადგენელ ჯო ბაიდენს შეხვდება. აღნიშნული ინტერვიუს ტელეკომპანია თავის ოფიციალურYOUTUBE არხზე ავრცელებს.

ტიხანოვსკაიას თქმით, ჯო ბაიდენმა იგი ინაუგურაციის ცერემონიალზე მიიწვია ვაშინგტონში. „ჩვენ ვგეგმავთ შეხვედრას ჯო ბაიდენთან, ჩვენ უკვე გვაქვს მოწვევა ამ შეხვედრაზე“ - აცხადებს ტიხანოვსკაია.

26 ნოემბერს ალექსანდრ ლუკაშენკომ განაცხადა, რომ ბელარუსი მზადაა დაუპირისპირდეს რუსეთთან ერთად აშშ-ს ჰეგემონიას, რადგან მისი ქვეყანა არ მიესალმება და არც არასოდეს მიესალმება ერთპიროვნულ ბატონობას.

თავის მხრივ სვეტლანა ტიხანოვსკაიამ აგრეთვე განაცხადა, რომ მისი ხელისუფლებაში მოსვლის შემთხვევაში ახალი მთავრობა რუსეთთან დადებულ შეთანხმების პირობებს გადახედავს.

„ რაზეც არ უნდა შეთანხმდეს ლუკაშენკო, უნდა გვახსოვდეს, რომ მან ბელარუსი ხალხის მხარდაჭერა უკვე დაკარგა. ეს კი იმას გულისხმობს, რომ ჩვენ მის ყველა გარიგებას და შეთანხმებას გავაუქმებთ. ჩვენ მხარს ვუჭერთ რუსეთთან მეგობრულ და აგრეთვე პარტნიორულ ურთიერთობას, თუმცა ეს ჩვენი დამოუკიდებლობის და სუვერენიტეტის ვაჭრობის ხარჯძე ვერ მოხდება“ - აღნიშნა ტიხანოვსკაიამ.