ბრაზილიის პრეზიდენტის , ჟაირ ბოლსონაროს თქმით, იგი არ აპირებს კოვიდ 19-ის ვაქცინა გაიკეთოს, იმ შემთხვევაშიც კი გამორიცხავს, თუ მთავრობის გადაწყვეტილებით დაიწყება ვაქცინაციის პროგრამა.

„მე გეუბნებით თქვენ, რომ მე ვაქცინას არ მივიღებ. ეს ჩემი უფლებაა“ - აღნიშნა ვიდეომიმართვისას ჟაირ ბოლსონარომ. ბრაზილია კოროანვირუსის შედეგად ფატალური შემთხვევების რაოდენობით მეორე ადგილზეა მსოფლიოში ამერიკის შემდეგ- აქ გარდაცვლილთა რაოდენობა 171 497-ს შეადგენს. საერთო ჯამში ქვეყანაში კორონავირუსის 6 204 570 შემთხვევაა, რომელთაგან 5 528 599 გამოჯანმრთელდა, ხოლო 504 474 ამ დრომდე აქტიური პაციენტია.

ბოლსონაროს ბრაზილიაში ძალზე ბევრი ადამიანი აკრიტიკებს თავისი დამოკიდებულების გამო პანდემიის მიმართ, რამაც გამოიწვია ვირუსის მასშტაბური გავრცელება ქვეყანაში- იგი მხარს არ უჭერდა მკაცრი შეზღუდვებისა და საგანგებო მდგოამრეობის დაწესებას, აგრეთვე მხარს უჭერდა და ე.წ პროპაგანდას უწევდა ჰიდროქსიქლოროქინის აქტიურ მიღებას, მიუხედავად იმისა, რომ არაერთხელ დადასტურდა მისი არაფექტურობა კოვიდ 19-ის წინააღმდეგ ბრძოლაში. იგი ივლისის თვეში დაინფირიცრდა კოვიდ 19-ით, თუმცა მარტივად გადალახა.

ბოლსონაროს თქმით, მისი ხელისუფლება შეიძენს კორონავირუსის ვაქცინას და ნებისმიერი ადამიანი მიიღებს მას სურვილის შემთხვევაშიც კი.