ჯანდაცვის მინისტრის მოადგილე, თამარ გაბუნიას ინფორმაციით, საქართველოში სამედიცინო დაწესებულებაში დასაქმებული 4 500-დან 5 000-მდე მედიკოსი კორონავირუსით არის ინფიცირებული.

"ექიმები ზუსტად რამდენია, ამასთან დაკავშირებით მიდის დამატებითი კვლევა. მე შემიძლია გითხრათ, რამდენი სამედიცინო პერსონალია ინფიცირებული. ინფიცირებული არის 4 500-დან 5 000-მდე შუალედში. აქ ვგულისხმობ ყველას, ვინც მუშაობს სამედიცინო დაწესებულებაში. იმასთან დაკაშვირებით თუ რამ გამოიწვია მათი ინფიცირება - ეს ინფიცირება მოხდა სამედიცინო გარემოში, თუ საყოფაცხოვრებო პირობებშიც და სამწუხაროდ, უფრო ხშირად, სამედიცინო პერსონალის დაინფიცირება, ჩვენი გამოცდილებიდან, მოხდა საყოფაცხოვრებო პირობებში. ამ ყველაფერზე იგეგმება ჩაღრმავებული კვლევა და როგორც კი, გვექნება, გაგიზიარებთ" - აცხადებს თამარ გაბუნია.