დაავადებათა კონტროლის ეროვნული ცენტრის ხელმძღვანელის, ამირან გამყრელიძის შეფასებით, ძალიან რთული და მძიმე დეკემბერი და ახალი წელი მოდის.

მისი თქმით, .კოვიდით სიკვდილიანობამ გადაასწრო კიბოს, ინსულტს, გადაასწრო მალარიას, ჰეპატიტს C-ს და B-ს სიკვდილიანობის სტატისტიკას.

„ახლა არ არის სხვადასხვა პოზიციების დრო, იმიტომ რომ რთული პერიოდია ქვეყანაში. ძალიან რთული დეკემბერი იქნება, რთული ახალი წელი მოდის ჩვენი ქვეყნისთვის და ზოგადად მთელი მსოფლიოსთვის...კოვიდით სიკვდილიანობამ გადაასწრო კიბოს, ინსულტს, გადაასწრო მალარიას, ჰეპატიტს C-ს და B-ს სიკვდილიანობის სტატისტიკას. ერთი წლის განმავლობაში მოხდა ეს ყველაფერი. სერიოზულ პრობლემასთან გვაქვს საქმე. სექტემბრის 10-მდე მივდიოდით კარგად და ახლა ვართ ისევ პირველ ადგილზე, ოღონდ სხვა მხრივ”,- განაცხადა გამყრელიძემ „პოლიტკის ფორმულაში“.