თბილისში, ხორავას ქუჩაზე , გაჩენილ ხანძართან დაკავშირებით 112 სპეციალურ განცხადებას ავრცელებს.

უწყებაში აცხადებენ, რომ სახანძრო სამსახური გამოძახების ადგილზე საქმის გადაცემიდან 6 წუთში მივიდა და გავრცელებულ ინფორმაცია, რომ სახანძრომ დააგვიანა, სიცრუეა:

"07:13 წთ-ზე, საქმე გადაეცა საგანგებო სიტუაციების მართვის სამსახურს, პოლიციასა და სასწრაფო სამედიცინო სამსახურს. მეხანძრე / მაშველები 07:19 წთ-ზე მივიდნენ მისამართზე. საქმის გადაცემიდან 6 წუთში.

მედია საშუალებების მიერ გავრცელებული ინფორმაციით, თითქოს მოქალაქეები ერთი საათის განმავლობაში ვერ უკავშირდებოდნენ 112-ს, არის სიცრუე. აღნიშნულ ინიციატორს, 112-ის ოპერატორმა 4 წამში უპასუხა, შესაბამისად ლოდინის დრო შეადგენს 4 წამს და არა ერთ საათს,"- ვკითხულობთ 112-ის განცხადებაში.