ახალ ზელანდიაში, ჩათემის კუნძულებზე 100-მდე ვეშაპი გამოირიყა, რომლებმაც ნაპირებიდან ზღვაში დაბრუნება ვერ შეძლეს და დაიხოცნენ. აღნიშული ფაქტი ცნობილი გახდა ახალი ზელანდიის სამაშველო სამსახურისთვის, თუმცა როდესაც კონკრეტული პირები სანაპიროზე პრობლემის მოსაგვარებლად მივიდნენ შემზარავი „სურათი“ დახვდათ- ნაპირზე 97 ვეშაპი და 3 დელფინი იყო გამორიყული.

გავრცელებული ინფორმაციით, მაშველებს იმ დროისთვის ცოცხალი მხოლოდ 26 ვეშაპი დახვდათ, რომელთა უმრავლესობა ძალზე სუსტად გამოიყურებოდა, რის გამოც მათ ეუთანაზიის პროცედურა გაუკეთეს.

ზღვის დიდი არსებების ხმელეთზე გამორიყვა ჩათემის კუნძულებზე ძალზე გავრცელებული პრობლემაა. მხოლოდ 1918 წელს მსგავს ვითარებაში 1000-ზე მეტი ცხოველია გარდაცვლილი. სექტემბრის თვეში ავსტრალიაში, ტასმანიაში არსებულ კუნძულებზე 450 ვეშაპი გამორიყეს ტალღებმა, რომლის ფონზეც მათი მესამედი დაიღუპა.