მთიანი ყარაბაღში, ქელბაჯარის რაიონში 27 წლის შემდეგ პირველად აზერბაიჯანული სამხედრო ნაწილები შევიდნენ- ამის შესახებ აზერბაიჯანის სამთავრობო მედია წერს და აქვეყნებს ვიდეოს, სადაც ჩანს სამხედრო სატვირთოები და ჯავშანმანქანები, რომელთაც გადაჰყავს აზერბაიჯანელი ჯარისკაცები.

შეგახსენებთ, რომ სომხურმა საჯარისო შენაერთებმა ქელბაჯარის რაიონი ჯერ კიდევ გუშინ დატოვეს და ის სამხედრო ნაწილი, რომელშიც იმყოფებოდნენ ააფეთქეს.

შეგახსენებთ, რომ აზერბაიჯანის სომხეთისა და რუსეთის ჩართულობით 10 ნოემბერს გაფორმებული ცეცხლის შეწყვეტის შეთანხმების საფუძველზე სომხურმა მხარემ ოფიციალურ ბაქოს უკვე გადასცა აღდამისა და ქელბაჯარის რაიონები, ხოლო ლაჩინის გადაცემა კი მოხდება 1 დეკემბერს, სადაც ასევე შევლენ აზერბაიჯანელი სამხედროები.