ავღანეთის დედაქალაქ ქაბულში, პიკის საათებში, დასახებულ ადგილას რამდენიმე რაკეტა ჩამოვარდა. გავრცელებული ინფორმაციით, თავდასხმის შედეგად მინიმუმ 3 მოქალაქე დაიღუპა, ათეულობით კი დაიჭრა.

აფეთქება, დიპლომატიურ ანკლავთან ახლოს მოხდა და საელჩოების გასაფრთხილებლად სპეციალური საყვირები ჩაირთო.

შინაგან საქმეთა სამინისტროს სპიკერის განცხადებით, თავდასხმის შედეგად სამი მშვიდობიანი მოქალაქე დაიღუპა და 11 დაიჭრა. თუმცა, ჯანდაცვის სამინისტროს ოფიციალურმა წარმომადგენელმა განაცხადა, რომ ხუთი ცხედარი და 21 დაშავებული შეიყვანეს საავადმყოფოში ინციდენტის შემდეგ.

პოლიციის ვერსიით, ტერორისტებმა რაკეტები სატვირთო მანქანაზე დააყენეს, ისინი იძიებენ, როგორ შემოვიდა სატვირთო ქალაქში.

თალიბანმა თავდასხმაში მონაწილეობა უკვე უარყო.

ცნობისთვის, ავღანეთის მთავრობასა და თალიბანს შორის სამშვიდობო მოლაპარაკებების შეჩერების შემდეგ, თალიბანის და სხვა ექსტრემისტული ჯგუფების მხრიდან თავდასხმები იზრდება, განსაკუთრებით დედაქალაქში, სადაც ხუთ მილიონზე მეტი ავღანელი ცხოვრობს.