აზერბაიჯანული არმიის სამხედრო დანაყოფები მთიან ყარაბაღში, აღდამის რაიონში შევიდნენ. ამის შესახებ ინფორმაციას თავდაცვის სამინისტრო ავრცელებს.

ადმინისტრაციულად აღნიშნული ტერიტორია აზერბაიჯანის ნაწილია, თუმცა იგი 1993 წელს მიმდინარე სამხედრო მოქმედებების შედეგად სომხური არმისა და ე.წ მთიანი ყარაბაღის რესპუბლიკის კონტროლქვეშ გადავიდა.

სოციალურ ქსელებში ვრცელდება კადრები, თუ როგორ შედის აზზერბაიჯანული სამხედრო ტექნიკა აღნიშნულ ტერიტორიაზე. კადრებში ასახულია ჯავშანმანქანები აზერბაიჯანული დროშით.

შეგახსენებთ, რომ 10 ნოემბერს ყარაბაღის მეორე ომის დასრულების ხელშეკრულებას მოეწერა ხელი, რომლის თანახმადაც სომხეთი და აზერბაიჯანი შეინარჩუნებენ დაკავებულ პოზიციებს და აგრეთვე მიიღებენ კონტროლისა და შეიარაღებული ძალების განთაავსების უფლებას კელბაჯარის, აღდამისა და ლაჩინის რაიონებშზე.