უკრაინაში კოვიდ 19-ით მძიმედ დაავადებულმა მამაკაცმა მისთვის განკუთვნილი ჟანგბადის აპარატი, რომელიც ლიმიტირებული იყო, თავის შვილს დაუთმო და მალევე გარდაიცვალა. აღნიშნული ტრაგედიის შესახებ ფეისბუქზე ერთ-ერთმა ექთანმა დაწერა.

მისი თქმით, ქვეყანაში უმძიმესი მდგომარეობაა- კრიტიკულად მძიმე პაციენტებს მხოლოდ 15 წუთით აძლევენ ჟანგბადის აპარატის გამოყენების უფლებას- „ერთ-ერთ საავადმყოფოში კოვიდ 19-ით დაავადებული მძიმე მდგომარეობაში მყოფი მამა და შვილი მიიყვანეს, რიმელთაც 24 საათის განმავლობაში აძლევდნენ 15 წუთით ჟანგბადის გამოყენების უფლებას. მამამ უარი განაცხადა თავისთვის განკუთვნილი ჟანგბადის დროის გამოყენებაზე და იგი შვილს დაუთმო, თუმცა მამაკაცის მდგომარეობა დამძიმდა და იგი იმავე დღეს გარდაიცვალა. შვილი ამ დრომდე განაგრძობს მკურნალობას“ - აღნიშნა ერთ-ერთმა მოხალისე ექთანმა.

შეგახსენებთ, რომ კოვიდ 19-ის გავრცელების მხრივ უკრაინაში უმძიმესი ვითარებაა- ქვეყანაში 583 510 ადამიანი დაავადდა კორონავირუსით, რომელთაგან 10 000-ზე მეტი უკვე გარდაიცვალა. უკანასკნელ 24 საათში დაინფიცირდა 13 000-ზე მეტი ადამიანი, ხოლო 257 დაიღუპა.