ამერიკის სახელმწიფო მდივნის, მაიკ პომპეოს საქართველოში ვიზიტსა და თბილისის ქუჩებში გამართულ აქცია-პერფორმანსს გამოეხმაურა მსოფლიო მედია. გავლენიანი ბრიტანული გამოცემა, REUTERS-ი აქვეყნებს სტატიას , სადაც აღნიშნულია ამერიკის სახელმწიფო მდივნის თბილისში გამართული ოფიციალური შეხვედრის პარალელურად საქართველოს ათასობით მოქალაქე დედაქალაქის ცენტრალურ ნაწილში გაყალბებული არჩევნების გასაპროტესტებლად შეიკრიბა.

მაიკ პომპეომ საქართველოში ოფიციალური ვიზიტი გამართა პრეზიდენტ სალომე ზურაბიშვილთან, პრემიერ-მინისტრ გიორგი გახარიასთან, საქართველოს კათოლიკოს პატრიარქ ილია II-სა და სამოქალაქო საზოგადოების წარმომადგენლებთნ.

სტატიაში ხაზგასმულია მაიკ პომპეოს ციტატა, რომლითაც მან გიორგი გახარიას მიმართა: „ ამერიკის შეერთებულ შტატებს სურს საქართველოს მხარდაჭერის გაგრძელება ინსტიტუციების მშენებლობაში, რამაც უნდა უზრუნველყოს თავისუფალი და სამართლიანი არჩევნების მიმდინარეობა და მტკიცე მხარდაჭერა დემოკრატიული ღირებულებების დანერგვაში“.

“გარეთ, ათასობით ადამიანმა ე.წ ცოცხალი ჯაჭვის სახით გამართა დემონსტრაცია, რომელთაც ხელში ეპყრათ ამერიკული და ქართული დროშები, პოსტერები, სადაც ამბობდნენ : „მადლობა ამერიკას ჩვენი თავისუფლების მხარდაჭერისთვის!“, „საქართველოში არჩევნები გაყალბდა რუსი ოლიგარქის მიერ“.