"12 წლის გარდაცვლილი ბავშვის ოჯახის წევრების პირველი კომენტარი - "ესაჭიროებოდა ჟანგბადი და დროულად არ მოხდა მიწოდება“

COVID-19 - 11:24, 17 Nov, 2020

1413

ბათუმში გარდაცვლილი მოზარდის ოჯახი პირველ კომენტარს აკეთებს.

12 წლის გოგონას ბაბუა ამბობს, რომ მის შვილიშვილს კლინიკაში მოთავსებამდე ვირუსის სიმპტომები, მათ შორის ტემპერატურა არ აღენიშნებოდა.

მისი თ ქმით, რეანომობილს სპეციალური აღჭურვილობა არ ჰქონდა.

''დაახლოებით 01:30 საათი იყო, ბავშვი შეუძლოდ გახდა და ბავშვთა საავადმყოფოში გადაიყვანეს. იქ სისხლის გადასხმა დაუწყეს, თუმცა ნახევარი ჰქონდა გადასხმული, სასწრაფო გამოიძახეს და თბილისში გადაყვანა გადაწყვიტეს. დაბადებიდან არ ჰქონდა ცალი თირკმელი და კვირაში რამდენჯერმე დიალიზს უკეთებდნენ. იმ დღეს კლინიკაში რა გაუკეთეს არ ვიცი, გზაში დაიღუპა. როგორც მე ვიცი, აზოტი ჰქონდა. კლინიკაში რომ ყოფილიყო, დღეს ცოცხალი მეყოლებოდა.

კორონავირუსი არ ჰქონია, არც სიცხე ჰქონდა და არც ხველა. ტემპერატურით შემოვიდაო რომ ამბობენ, ეგ აწყობთ მაგათ. არავის აქვს სახლში სიცხე, 7 წევრი მყავს. დიალიზი სჭირდებოდა. შაბათ-კვირას დასვენება იყო. საღამოს მითხრა კარგად არ ვარო, ჰაერის უკმარისობა ჰქონდა. ყველაზე ცუდი ის არის, რომ რეანომობილში ჟანგბადი არ ეყო“, - აცხადებს გარდაცვლილი მოზარდის ბაბუა.

12 წლის ბავშვის თემაზე, პირველი კომენტარი გააკეთეს დედათა და ბავშვთა საავადმყოფოში. კლინიკის დირექტორის, თამარ ბახტაძის თქმით, მოზარდი კლინიკაში მძიმე მდგომარეობაში შეიყვანეს და მას ქონდა ცხელება და ქრონიკული დაავადება.
“ჩვენი კლინიკის მედ-პერსონალმა ყველაფერი გააკეთა იმისათვის, რომ ბავშვი გადარჩენილიყო. გუშინ ღამის საათებში, შემოყვანილი იქნა 12 წლის გოგონა მძიმე მდგომარეობაში. კლინიკაში ჩატარებული ტესტირების შედეგად მას კორონავირუსი დაუდასტურდა. ქრონიკული მძიმე დაავადების გამო დიალეზის ჩატარება ესაჭიროება. დარღვეული იყო კლინიკურ ლაბორატორიული პარამეტრები. პირველადი სამედიცინო გადაუდებელი დახმარების ცენტრის მიერ მოხდა რეფერირება თბილისში სპეციალიზებულ კლინიკაში. სამწუხაროდ, პასპორტირების გამო პაციენტის მდგომარეობა დამძიმდა და კოპიტნართან გარდაიცვალა. კლინიკაში შემოსვლილსას სხვადასხვა სისტემის უკმარისობა ჰქონდა, თუმცა, წამყვანი დაავადება იყო ქრონიკული დაავდება, რომელიც პერიოდულად სამედიცინო ჩარევას საჭიროებდა. დიალეზი ჩვენს კლინიკაში არ ტარდება, ბავშვს მძიმე ფონური დაავადება ჰქონდა. შიდა სამედიცინო მოკვლევა მიმდინარეობს”,- განაცხადა კლინიკის დირექტორმა.